ഒമാൻ: കഴിഞ്ഞ കുറച്ചു ദിവസമായി അതിരൂക്ഷമായ കാലാവസ്ഥയാണ് ഒമാനിൽ ഉള്ളത്. രാജ്യത്തിന്റെ പല ഭാഗത്തും കനത്ത വെള്ളപ്പെക്കമാണ് . രൂക്ഷമായ കാലാവസ്ഥയിൽ 16 പേരുടെ ജീവൻ ആണ് നഷ്ടപ്പെട്ടത്. നാലു പേരെ കാണാതായതായും റിപ്പോർട്ട് ഉണ്ട്. കഴിഞ്ഞ അഞ്ചു ദിവസത്തിനിടെ 40 പേരെയാണ് രക്ഷപ്പെടുത്തിയത്. റോയല് ഒമാന് പൊലീസ് ഓപറേഷന്സ് ഡയറക്ടര് ജനറല് ബ്രി. ജനറല് മുഹമ്മദ് ബിന് നാസര് അല് കിന്തി പറഞ്ഞു. ഗൾഫ് ന്യൂസ് ആണ് വാർത്ത റിപ്പോർട്ട് ചെയ്യുന്നത്. വലിയ ജാഗ്രത നിർദ്ദേശം ആണ് ഒമാൻ നൽകിയിരിക്കുന്നത്.
ദോഫാർ ഗവർണറേറ്റിൽ കാണാതായവർക്കായി തിരച്ചിൽ ഇപ്പോഴും തുടരുകയാണ്. സിവിൽ ഡിഫൻസ് ആൻഡ് ആംബുലൻസ് അതോറിറ്റി ആണ് ഇക്കാര്യം അറിയിച്ചത്. സലാലയിലെ അൽ മുഗ്സൈൽ ബീച്ചിൽ തിരമാലകളിൽ ഒലിച്ചുപോയ എട്ടംഗ കുടുംബത്തിലെ മൂന്നു പേരെ രക്ഷപ്പെടുത്തി, എന്നാൽ അഞ്ച് പേരെ കാണാതായി ഇതിൽ രണ്ടു പേരുടെ മൃതദേഹം കണ്ടെത്തി. ബാക്കി മൂന്ന് പേർക്കുള്ള തെരച്ചിൽ ഇപ്പോൾ നടക്കുകയാണ്. വെള്ളി രാത്രിയും ശനിയാഴ്ച രാവിലെയും ഇതു പടിഞ്ഞാറ് ഒമാൻ കടലിന്റെ തീരത്തേക്ക് നീങ്ങും. 30 മുതൽ 80 മില്ലിമീറ്റർ വരെ തീവ്രതയുള്ള മഴ വെള്ളപ്പൊക്കത്തിന് ഇതുമൂലം സാധ്യതയുണ്ട്. ഒമാൻ കടലിന്റെയും അറബിക്കടലിന്റെയും തീരങ്ങളിൽ കടൽ കൂടുതൽ പ്രക്ഷുബ്ധമായിരിക്കും. ചില താഴ്ന്ന തീരപ്രദേശങ്ങളിൽ കടൽ വെള്ളം കയറാൻ സാധ്യതയുണ്ടെന്നും കാലാവസ്ഥ നിരീക്ഷകർ മുന്നറിയിപ്പ് നൽകുന്നു.
അതേസമയം, പ്രതികൂല കാലാവസ്ഥയെത്തുടർന്ന് താൽക്കാലികമായി അടച്ചിട്ടിരുന്ന പല വിനോദസഞ്ചാര കേന്ദ്രങ്ങളും തുറന്നു കൊണ്ടിരിക്കുകയാണ്. സിഡിഎഎ ആണ് ഇക്കാര്യം അറിയിച്ചത്. എന്നാൽ കാണാതായവരെ കണ്ടെത്താനുള്ള ദേശീയ ശ്രമങ്ങൾ തുടരുന്നതിനാൽ ദോഫാർ ഗവർണറേറ്റിലെ അൽ മുഗ്സെയ്ൽ ബീച്ച് തുറന്നിട്ടില്ല. അടുത്ത ദിവസങ്ങളിൽ കാര്യങ്ങളുടെ പുരോഗതി അനുസരിച്ച് ഇത് തുറന്നു പ്രവർത്തിക്കും.
ഇന്ത്യയിൽ രൂപപ്പെട്ട ന്യൂന മർദ്ദത്തിന്റെ ഫലമായി ആയിരുന്നു ഒമാനിൽ ഈ മാസം ആദ്യം മഴ തുടങ്ങിയത്. മുൻ കരുതൽ നടപടികൾ സ്വീകരിക്കാൻ അധികൃതർ നിർദ്ദേശം നൽകിയിരുന്നു. എന്നാൽ പലരും ഇത് പാലിക്കാൻ തയ്യാറായില്ല. സുരക്ഷാ നിർദേശങ്ങൾ ലംഘിച്ച് പലരും കടലുകളിലും വാദികളിലും എത്തി. ഇതാണ് അപകടത്തിന്റെ തോത് വർധിപ്പിക്കാൻ കാരണമായത്. സുരക്ഷാ ബാരിക്കേഡുകൾ മറികടന്നത് പലരും കടലിൽ ഇറങ്ങി. ബലിപെരുന്നാൾ കൂടി ആയത് കൊണ്ട് രാജ്യത്ത് 5 ദിവസത്തെ അവധി ആയിരുന്നു. എന്നാൽ ഞായറാഴ്ച മുതൽ ഒമാനിൽ വീണ്ടും അസ്ഥിരമായ കാലാവസ്ഥ അനുഭവപ്പെടുമെന്നു സിവിൽ ഏവിയേഷൻ അതോറിറ്റി അറിയിച്ചിട്ടുണ്ട്. മസ്കറ്റ്, തെക്ക്-വടക്ക് ബാത്തിന, ദാഹിറ, ബുറൈമി, തെക്ക്-വടക്ക് ശഖിയ, അൽ വുസ്ത, ദാഖിലിയ, അൽ ഹജർ പർവതങ്ങളിലും സമീപ പ്രദേശങ്ങൾ, മുസന്ദം എന്നിവിടങ്ങളിൽ വരു ദിവസങ്ങളിൽ മഴ ശക്തമാകും.