കനത്ത വ്യോമാക്രമണം തുടര്‍ന്നതോടെ യുക്രെയിന്റെ ആകാശത്തിന് സംരക്ഷണം നല്‍കണമെന്ന് സെലെന്‍സ്‌കി ജി 7 രാഷ്ട്രങ്ങളോട് അഭ്യര്‍ത്ഥിച്ചിരുന്നു. സൈനിക കേന്ദ്രങ്ങള്‍ക്ക് നേരെയാണ് ആക്രമണം നടത്തിയതെന്ന് റഷ്യ അവകാശപ്പെടുന്നുണ്ടെങ്കിലും യുക്രെയിനിലെ നാല് പ്രധാന നഗരങ്ങളിലും കനത്ത നാശം വിതറുന്നതായിരുന്നു ആക്രമണം. വൈദ്യൂതി വിതരണവും ജലവിതരണവും ഏതാണ്ട് പൂര്‍ണ്ണമായി തന്നെ സ്തംഭിച്ച മട്ടാണ്.
സാധാരണക്കാര്‍ക്ക് കൂടുതല്‍ ദുരിതങ്ങള്‍ സംഭവിക്കാനായി റഷ്യ മനപ്പൂര്‍വ്വം നടത്തുന്ന നടപടിയാണിതെന്ന് യുക്രെയിന്‍ ആരോപിക്കുന്നു. 19 പേരോളം കൊല്ലപ്പെട്ട ആക്രമണത്തില്‍ 105 പെര്‍ ഗുരുതരമായ പരിക്കുകളോടെ ആശുപത്രികളിലാണ്. മരണമടഞ്ഞവരില്‍ ഏഴുപേര്‍ തലസ്ഥാന നഗരമായ കീവില്‍ ഉള്ളവരാണ്.
അതേസമയം, പാശ്ചാത്യ രാജ്യങ്ങളുടെ അടിസ്ഥാന സൗകര്യ സംവിധാനങ്ങള്‍ക്ക് നേരെ അട്ടിമറി നീക്കമ്മ് ഉണ്ടായാല്‍ തിരിച്ചടിക്കുമെന്ന് നാറ്റോ റഷ്യക്ക് മുന്നറിയിപ്പ് നല്‍കി. സമുദ്രാന്തര്‍ഭാഗത്തുകൂടി കടന്നു പോകുന്ന ഗ്യാസ് പൈപ്പ് ലൈനുകളില്‍ പുടിന്റെ സൈനികര്‍ സ്‌ഫോടക വസ്തുക്കള്‍ സ്ഥാപിച്ചതായി ചില സംശയങ്ങള്‍ നേരത്തേ ഉയര്‍ന്നു വന്നിരുന്നു. എതെങ്കിം അംഗ രാജ്യങ്ങള്‍ക്ക് നേരെയോ അവരുടെ അടിസ്ഥാന സൗകര്യ സംവിധാനങ്ങള്‍ക്ക് എതിരെയോ ആക്രമണം ഉണ്ടായാല്‍, സഖ്യം ഒറ്റക്കെട്ടായി ശത്രുവിനോട് യുദ്ധം ചെയ്യണം എന്നാണ് നാറ്റോ നിയമം പറയുന്നത്.
അതിനിടയില്‍ ബാള്‍ട്ടിക് സമുദ്രത്തിലെ യുദ്ധക്കപ്പലുകളുടെ എണ്ണം 30 ആക്കി വര്‍ദ്ധിപ്പിച്ചിരിക്കുകയാണ് നാറ്റോ സഖ്യം. ഒപ്പം ആണവ പ്രകടനങ്ങളും നടത്തുവാനുള്ള ഒരുക്കങ്ങള്‍ നടത്തുന്നുണ്ട്. റഷ്യന്‍ ആണവായുധ നീക്കത്തെ സസൂക്ഷ്മം നിരീക്ഷിച്ചു വരികയാണെന്ന് നാറ്റൊ സെക്രട്ടറി ജനറല്‍ ജെന്‍സ് സ്റ്റോള്‍ട്ടെന്‍ബെര്‍ഗ് പറഞ്ഞു.