ബഹ്റെെൻ: ബഹ്റെെനിൽ വെച്ച് രണ്ട് പ്രവാസികളെ കാണാതായിട്ട് ഒമ്പത് ദിവസം. കാണാതായത് കടലില് മീന്പിടിക്കാന് പോയ മത്സ്യതൊഴിലാളികൾ ആണ്. ഒമ്പത് ദിവസം ആയി ഇവരെ കുറിച്ച് ഒരു വിവരം ഇല്ല. ഇന്ത്യക്കാരായ സഹായ സെല്സോ (37), ആന്റണി വിന്സന്റ് ജോര്ജ് (33) എന്നിവരെയാണ് കാണാതിയിരിക്കുന്നത്. ഇവരെ കാണാതായ വിവരം കാണിച്ച് തൊഴിലുടമയാണ് പരാതി നൽകിയിരിക്കുന്നത്. സംഭവത്തിൽ അന്വേഷണം തുടരുകയാണ്. കഴിഞ്ഞ തിങ്കളാഴ്ചയാണ് ഇവർ കടലിൽ പോയത്. പിന്നീട് തിരികെ വന്നില്ല. തുടർന്ന് ഇവരുടെ തൊഴിലുടമ ഇവര് സഞ്ചരിച്ച ബോട്ടിന്റെ ഉടമസ്ഥനുമായ സംസാരിച്ചു. ബഹ്റൈന് സ്വദേശി താരിഖ് അല്മാജിദ് തീരസംരക്ഷണസേനയെ വിവരം അറിയിക്കുകയാണ്. കാണാതായ ഇവരുടെ കുടുംബം പ്രാദേശിക അധികൃതരുമായി ബന്ധപ്പെട്ടിരുന്നു. എന്നാൽ വിവരം ഒന്നും ലഭിച്ചില്ല. ഇവരുടെ കുടുംബത്തോട് എന്ത് മറുപടി പറയും എന്ന ആശങ്കയിലാണ് തൊഴിലുടമ. ഇവരെ കണ്ടെത്തുന്നതിനായി അധികൃതരുടെ സഹായം ആവശ്യപ്പെട്ടിട്ടുണ്ട്. തൊഴിലാളികളെ കാണാതായ വിവരം തൊഴിലുടമ തന്നെയാണ് അല്മാജിദ് കോസ്റ്റ്ഗാര്ഡിനെ അറിയിച്ചത്. സാധാരണ കടലിൽ പോയാൽ രണ്ടു ദിവസം കൊണ്ട് തിരികെ വരും. എന്നാൽ മൂന്ന് ദിവസം കഴിഞ്ഞിട്ടും ഇവരെ കാണാതായതോടെയാണ് വിവരം അധികൃതരെ തൊഴിലുടമ അറിയിച്ചത്. എന്നാൽ ഖത്തറില് റഡാര് സംവിധാനത്തില് ഒരു ബഹ്റെെൻ ബോട്ട് കണ്ടതായി അവിടെയുള്ള കോസ്റ്റ്ഗാര്ഡ് അറിയിച്ചെന്ന് ബഹ്റൈന് കോസ്റ്റ്ഗാര്ഡ് വ്യക്തമാക്കി. കഴിഞ്ഞ ശനിയാഴ്ചയാണ് ഈ വിവരം ലഭിച്ചത്. ഒമ്പത് ദിവസം ആയി പ്രവാസി തൊഴിലാളികളെ കുറിച്ച് ഇതുവരെ വിവരം ലഭിച്ചിട്ടില്ല. ഇറാനിലെ ചില ഇന്ത്യക്കാരായ മത്സ്യത്തൊഴിലാളികള് അധിർത്തിയിൽ വെച്ച് ഇവരെ കണ്ടെന്ന റിപ്പോർട്ട് വരുന്നു. ഇന്ത്യയിലെ സൗത്ത് ഏഷ്യന് ഫിഷര്മെന്ഡ ഫെഡറേഷന് ജനറല് സെക്രട്ടറി ഫാദര് ജോണ് ചര്ച്ചില് നടപടി ആവശ്യപ്പെട്ട് അധികൃതരെ സമീപിച്ചിട്ടുണ്ട്. കാണാതായ ഈ പ്രവാസികൾ ആണ് കുടംബത്തിന്റെ ആകെയുള്ള വരുമാന സ്രോതസ്സ്. ചെറിയ കുട്ടികൾ ഉള്ള കുടുംബം ആണ് രണ്ട് പേരുടേയും. കന്യാകുമാരി ജില്ലയിലെ കഡിയപട്ടണം സ്വദേശികളാണ് കാണാതായ മത്സ്യത്തൊഴിലാളികള്.