കോട്ടയം : തിരുനക്കര മഹാദേവക്ഷേത്രത്തിലെ പൈങ്കുനി ഉത്സവത്തിന് ബുധനാഴ്ച(ഇന്ന് ) കൊടിയേറും. തന്ത്രി കണ്ഠര് മോഹനരുടെ മുഖ്യകാർമികത്വത്തിൽ വൈകീട്ട് ഏഴിനാണ് കൊടിയേറ്റ്. 24-ന് ആറാട്ടോടു കൂടി സമാപിക്കും.
തിരുനക്കര പൂരം ഏഴാം ഉത്സവദിവസമായ 21-ന് വൈകീട്ട് നാലിന് നടക്കും. 22 ആനകൾ കിഴക്ക് - പടിഞ്ഞാറൻ ചേരികളിലായി അണിനിരക്കുന്ന പൂരത്തിന് പെരുവനം കുട്ടൻമാരാരുടെ പ്രമാണത്തിൽ 111 വാദ്യകലാകാരന്മാരുടെ സംഘം പാഞ്ചാരി ഒരുക്കും.
എട്ടാം ഉത്സവദിവസമായ 22-ന് വൈകീട്ട് ആറുമുതൽ ദേശവിളക്കും, രാത്രി 10 മുതൽ വലിയ വിളക്ക് എഴുന്നള്ളിപ്പും വലിയ കാണിക്കയും നടക്കും.