മാന്നാർ(ആലപ്പുഴ ): സൈക്കിൾ മാത്രം ഓടിക്കാനറിയാവുന്ന എണ്ണയ്ക്കാട് സ്വദേശി എഎം മുരുകന് (63) അലക്ഷ്യമായി കാർ ഓടിച്ചതിന് 1000 രൂപ പിഴ. വ്യാഴാഴ്ച നേരിട്ടോ വക്കീൽ മുഖേനയോ ഹാജരായി പിഴയടച്ച് കേസ് തീർപ്പാക്കണ മെന്നാണ് തപാൽ വഴി ലഭിച്ച നോട്ടീസിൽ പറയുന്നത്. റാന്നി ഗ്രാമ ന്യായാലയത്തിൽ നിന്നാണ് നോട്ടീസ് ലഭിച്ചത്.
ഇതോടെ മുരുകന്റെ മനസമാധാനം പോയി. സൈക്കിളിൽ ലോട്ടറി ക്കച്ചവടം നടത്തുന്ന ആളാണ് മുരുകൻ. ജീവിതത്തിൽ ഇന്നേ വരെ ഒരു കാറിന്റെ ഡ്രൈവിങ് സീറ്റിൽ പോലും ഇരിക്കാത്ത മുരുകനാണ് കാർ അലക്ഷമായി ഓടിച്ചുവെന്ന് ചൂണ്ടിക്കാട്ടി പിഴയടയ്ക്കാൻ നോട്ടീസ് കിട്ടിയത്.
മാന്നാർ പൊലീസ് സ്റ്റേഷനിൽ പോയി വിവരമറിയിച്ചു. അടുത്തദിവസം റാന്നി പൊലീസ് സ്റ്റേഷനിലും എത്തി കാർ ഓടിക്കാൻ അറിയില്ലെന്നു ബോധ്യ പ്പെടുത്തി. വിലാസം മാറിയതാകാമെന്നാണ് പൊലീസ് പറയുന്നത്. വ്യാഴാഴ്ച ഹാജരാകേ ണ്ടെന്ന് പൊലീസ് പറഞ്ഞത് മുരുകന് ആശ്വാസമായി.