കോട്ടയം : നാഗമ്പടം ജിഎസ്ടി ഓഫീസില്‍ കയറി ലാപ്‌ടോപ്പും, ടാബുകളും മോഷ്ടിച്ച കേസിലെ മുഖ്യ പ്രതിയെ പോലീസ് അറസ്റ്റ് ചെയ്തു.
നേപ്പാള്‍ സ്വദേശിയായ ബല്‍റാം നാഗര്‍ജി (42) എന്നയാളെയാണ് പ്ര ത്യേക അന്വേഷണ സംഘം പിടികൂടിയത്. ഇയാള്‍ കഴിഞ്ഞമാസം 23ന് രാത്രിയില്‍ കോട്ടയം നാഗമ്പടത്ത് പ്രവര്‍ ത്തിക്കുന്ന ജിഎസ്ടി ഓഡിറ്റിങ് ഓഫീസ് കമ്പിവടി ഉപയോഗിച്ച് കുത്തിത്തുറന്ന് ഓഫീ സിലെ അലമാ രയില്‍ സൂക്ഷിച്ചിരുന്ന ലാപ്‌ടോ പ്പും, ടാബുകളും മോ ഷ്ടിക്കുകയായിരുന്നു.
തുടര്‍ന്ന് ഇയാള്‍ മോഷണ മുതലുമായി ബാംഗ്ലൂരിലേക്ക് കടന്നു.
പരാതിയെ തുടര്‍ന്ന് കോട്ടയം വെസ്റ്റ് പോലീസ് കേസ് രജിസ്റ്റര്‍ ചെയ്തു. തുടര്‍ന്ന് നടന്ന അന്വേഷണത്തിലാണ് മോഷണം പോയ ടാബുകളുമായി ബാംഗ്ലൂര്‍ സ്വദേശികളായ ഗണേഷ് ഭട്ട് (31), കൃപാല്‍ കോലി (48) എന്നിവരെ
ബാംഗ്ലൂരില്‍ നിന്നും കുറച്ചു ദിവസങ്ങള്‍ക്കു മുന്‍പ് പിടികൂടിയിരു ന്നു. തുടര്‍ന്ന് മുഖ്യ മോഷ്ടാവിനു വേണ്ടി തിരച്ചില്‍ ശക്തമാക്കി. ഇതേ തുടര്‍ന്നാണ് ഇയാള്‍ പോലീസിന്റെ പിടിയിലാവുന്നത്. ബാംഗ്ലൂരില്‍ പോലീസിനെ കണ്ട് ഇയാള്‍ രക്ഷപെടാന്‍ ശ്രമിച്ചെങ്കിലും പിടികൂടുകയായിരുന്നു.
കോട്ടയം വെസ്റ്റ് സ്റ്റേഷന്‍ എസ്എച്ച്ഒ പ്രശാന്ത് കുമാര്‍ കെ.ആര്‍, സിപിഒമാരായ ശ്യാം എസ്.നായര്‍, ഷൈന്‍ തമ്പി, സലമോന്‍ എന്നിവരും അന്വേഷണസംഘത്തില്‍ ഉണ്ടായിരുന്നു.