കോതമംഗലം: യുവാവിന്‍റെ മേൽ ആസിഡ് ഒഴിച്ച സംഭവത്തിൽ പ്രതി പൊലീസ് പിടിയിൽ. ചേലാട് കരിങ്ങഴ എൽ.പി സ്കൂളിന് സമീപം വെട്ടുപാറക്കിൽ റെജിയെ(51)യാണ് അറസ്റ്റ് ചെയ്തത്. കോതമംഗലം പൊലീസ് ആണ് അറസ്റ്റ് ചെയ്തത്. ചേലാട് മിനിപ്പടിയിലുള്ള വീടിന്‍റെ വരാന്തയിലേക്ക് അതിക്രമിച്ച് കയറി കന്നാസിൽ കരുതിയ ആസിഡ് അനന്തു എന്നയാളുടെ ദേഹത്ത് ഒഴിക്കുകയായിരുന്നു. അനന്തുവിന്‍റെ തലക്കും മുഖത്തും കൈക്കും പൊള്ളലേറ്റു. വ്യക്തി വൈരാഗ്യമാണ് ആക്രമണത്തിന് പിന്നിലെന്നാണ് ലഭിക്കുന്ന വിവരം.
ഇൻസ്പെക്ടർ പി.ടി. ബിജോയിയുടെ നേതൃത്വത്തിൽ ആണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.