ശ്രീനഗർ : 71ാം ലോക സുന്ദരി മത്സരം ഇക്കുറി കശ്മീരിൽ. ഇന്ന് ശ്രീനഗറിൽ നടത്തിയ വാർത്താസമ്മേളനത്തിൽ സംഘാടകരാണ് ഇക്കാര്യമറിയിച്ചത്.
140 രാജ്യങ്ങളിൽ നിന്നുള്ള പ്രതിനിധികൾ മത്സരത്തിനെത്തുമെന്ന് മിസ് വേൾഡ് സിഇഒ ജൂലിയ എറിക് മോർലി അറിയിച്ചു.
മേയിൽ ചേർന്ന ജി20 രാജ്യങ്ങളുടെ യോഗത്തിലാണ് മിസ് വേൾഡ് മത്സരത്തിന്റെ വേദി സംബന്ധിച്ച് തീരുമാനമെടുത്തത്.
ഡിസംബർ എട്ടിനാണ് മിസ് വേൾഡ് 2023 മത്സരം. നിലവിലെ മിസ് വേൾഡ് കരോലിന ബിയലാവ്‌സ്കി, മിസ് ഇന്ത്യ സിനി ഷെട്ടി, മിസ് വേൾഡ് കരീബിയൻ എമ്മ പെന, മിസ് വേൾഡ് ഇംഗ്ലണ്ട് ജെസ്സിക്ക ഗാഗെൻ, മിസ് വേൾഡ് അമേരിക്ക ശ്രീ സൈനി, മിസ് ഏഷ്യ പ്രിസില്ല കാർല സപുത്രി യൂൾസ് എന്നിവർ വാർത്താ സമ്മേളനത്തിൽ പങ്കെടുത്തു.