ആലപ്പുഴ: കനത്ത മഴയിലും കാറ്റിലും ട്രാക്കിലേക്ക് മരം വീണ് ട്രെയിൻ ഗതാഗതം തടസപ്പെട്ടു. ആലപ്പുഴ-എറാണാകുളം പാതയിൽ അരൂരിലാണ് സംഭവം. തുടർച്ചയായ അഞ്ചാം ദിനമാണ് ട്രാക്കിലേക്ക് മരങ്ങൾ വീണ് കേരളത്തിൽ ട്രെയിൻ ഗതാഗതം തടസപ്പെടുന്നത്.
ആലപ്പുഴ-ചെന്നൈ എക്സ്പ്രസ് എഴുപുന്ന സ്റ്റേഷനിലും ആലപ്പുഴ- കണ്ണൂർ എക്സ്പ്രസ് തുറവൂർ സ്റ്റേഷനിലും പിടിച്ചിട്ടു. ആലപ്പുഴ വഴിയുള്ള ട്രെയിനുകൾ എറണാകുളം സൗത്ത് സ്റ്റേഷനിലും പിടിച്ചിട്ടിരിക്കുകയാണ്.