പാമ്പാടി : നിങ്ങളുടെ മൊബൈൽ ഫോൺ നഷ്ടപ്പെട്ടാൽ അല്ലെങ്കിൽ മോഷണം പോയാൽ ആദ്യം ചെയ്യേണ്ടത് നഷ്ടപ്പെട്ട ഫോണിൽ കോൾ ചെയ്യുക ,സ്വിച്ച് ഓഫ് അല്ലെങ്കിൽ ഔട്ട് ഓഫ്റേഞ്ച് എന്നിവ കണ്ടാൽ ഉടൻ ഫോൺ നഷ്ടപ്പെട്ട പരിധിയിൽ ഉള്ള പോലീസ് സ്റ്റേഷൻ പരാതി ഉടൻ നൽകുക
നഷ്ടപ്പെട്ട ഫോണിനേക്കാളുപരി ആളുകളെ അലട്ടുന്നത് അതിലിനുള്ള സംഗതികളാണ്. എന്നാൽ ഇനി മൊബൈൽ നഷ്ടപ്പെട്ടാൽ പേടിക്കേണ്ട കാര്യമില്ല.ആ ഫോൺ മറ്റൊരാൾക്ക് ഉപയോഗിക്കാനാവാത്തവിധം ബ്ലോക്ക് ചെയ്യാൻ കേന്ദ്ര ഗവണ്മെന്റ് സഹായിക്കും.
മൊബൈൽ ഫോൺ നഷ്ടപ്പെട്ടവർക്ക് സഹായവുമായി കേന്ദ്ര ടെലികമ്മ്യൂണിക്കേഷൻസ് വകുപ്പ്, സെൻട്രൽ എക്യുപ്മെന്‍റ് ഐഡന്‍റിറ്റി രജിസ്റ്റർ (CEIR) എന്ന പുതിയ പോർട്ടൽ ഈയടുത്താണ് അവതരിപ്പിച്ചത്. ഈ പോർട്ടലിലൂടെ നഷ്ടപ്പെട്ടതോ മോഷ്ടിക്കപ്പെട്ടതോ ആയ മൊബൈൽ ഫോണുകൾ റിപ്പോർട്ട് ചെയ്യാനും കണ്ടെത്താനും കഴിയും. മോഷ്ടിക്കപ്പെട്ടതായി റിപ്പോർട്ട് ചെയ്യുന്ന ഫോൺ മറ്റ് സിം കാർഡുകളിട്ട് ഉപയോഗിക്കാനാവത്ത രീതിയിൽ ബ്ലോക്ക് ചെയ്യാനും അത് വഴി ഫോൺ മോഷണം നിരുത്സാഹപ്പെടുത്താനുമാണ് ഈ പദ്ധതി.
കീപാഡിൽ *#06# അമർത്തിയാൽ നിങ്ങളുടെ മൊബൈലിൽ 15 അക്ക നമ്പർ തെളിഞ്ഞു വരും. ഈ ഐഎംഇഐ നമ്പർ ഉപയോഗപ്പെടുത്തിയാണ് മൊബൈൽ എവിടെയാണെന്ന് കണ്ടുപിടിക്കുക.
ചിലപ്പോഴൊക്കെ തട്ടിപ്പുകാർ ഈ ഐഎംഇഐ നമ്പറുകൾ റീ-പ്രോഗ്രാം ചെയ്ത് ഒന്നിലേറെ മൊബൈൽ ഫോണുകൾക്ക് ഒരേ മൊബൈൽ നമ്പർ വരുത്താൻ ഇട വരുത്താറുണ്ട്. സിഇഐആർ ഈ ഡ്യൂപ്ലിക്കേറ്റ് ഐഎംഇഐ നമ്പറുകളെയും വ്യാജ ഐഎംഇഐ നമ്പറുകളെയും നെറ്റ് വർക്കിൽ നിന്ന് ഇല്ലാതാക്കാനും സഹായിക്കും
നഷ്‌ടമായ ഫോൺ എങ്ങനെ കണ്ടെത്താം?
ഫോൺ നഷ്ടമായാൽ പതിവ് പോലെ ആദ്യം തന്നെ അടുത്തുള്ള പൊലീസ് സ്റ്റേഷനിലെത്തി എഫ്ഐആർ (First Infromation Report) ഫയൽ ചെയ്യണം.
ടെലികോം രംഗത്തെ റഗുലേറ്ററായ ഡിപ്പാർട്മെന്റ് ഓഫ് ടെലികമ്മ്യൂണിക്കേഷനെ (DoT) ഹെൽപ് ലൈൻ നമ്പർ 14422 ഉപയോഗിച്ച് ഫോണിലൂടെയോ www.ceir.gov.in. എന്ന ഒഫീഷ്യൽ വെബ്സൈറ്റിലൂടെയോ ബന്ധപ്പെടാം. പരാതി സ്ഥിരീകരിച്ച ശേഷം ടെലി കമ്മ്യൂണിക്കേഷൻസ് വകുപ്പ് പിന്നീടുള്ള ആവശ്യങ്ങൾക്കായി നിങ്ങളുടെ ഫോൺ ബ്ലാക്ക് ലിസ്റ്റ് ചെയ്യും. എല്ലാ ടെലികോം കമ്പനികളും ബ്ലാക്ക്‌ലിസ്റ് ചെയ്ത മൊബൈൽ ഡിവൈസുകൾ ഷെയർ ചെയ്യുന്ന സെൻട്രൽ സിസ്റ്റമായിട്ടാണ് സിഇഐആർ പോർട്ടൽ പ്രവർത്തിക്കുക.
ബ്ലാക്ക് ലിസ്റ്റ് ചെയ്ത നിങ്ങളുടെ ഹാൻഡ്സെറ്റ് മറ്റേതെങ്കിലും സിം കാർഡ് ഇട്ട് പ്രവർത്തിപ്പിക്കാൻ ശ്രമിച്ചാൽ ഉടൻ തന്നെ പുതിയ സിമ്മിന്‍റെയും ആ സിം ഉടമയുടെയും വിവരങ്ങൾ ശേഖരിക്കും. മൊബൈൽ സേവനദാതാക്കൾ ഈ പുതിയ യൂസറെ പിന്തുടരുകയും പോലീസിനെ അറിയിക്കുകയും ചെയ്യും.
സെൻട്രൽ എക്യുപ്മെന്‍റ് ഐഡന്‍റിറ്റി രജിസ്റ്ററി ഉണ്ടാക്കാനുള്ള ശ്രമങ്ങൾ കേന്ദ്ര സർക്കാർ തുടങ്ങിയത് 2017-ലാണ്. ജിഎസ്എം അസോസിയേഷന്‍റെ (ഗ്ലോബൽ സിസ്റ്റം ഫോർ മൊബൈൽ കമ്മ്യൂണിക്കേഷൻ അസോസിയേഷൻ) ഐഎംഇഐ ഡാറ്റാബേസ് സെൻട്രൽ എക്യുപ്മെന്‍റ് രജിസ്ട്രിക്ക് ലഭ്യമാക്കുമെന്നാണ് അറിയുന്നത്.
ബ്ലാക്ക്, വൈറ്റ്, ഗ്രേ എന്നിങ്ങനെ മൂന്ന് വിഭാഗങ്ങളായാണ് മൊബൈൽ ഫോൺ നമ്പർ പട്ടികയിൽപെടുത്തുക. ആളുകൾ ഉപയോഗിക്കുന്ന ഐഎംഇഐ നമ്പറുകളാണ് വൈറ്റ് ലിസ്റ്റിൽ ഉൾപ്പെടുന്നത്. നഷ്ടപെട്ട മൊബൈലുകളും, കാണാതായി റിപ്പോർട്ട് ചെയ്ത മൊബൈലുകളും കരിമ്പട്ടികയിൽ ഉൾപ്പെടുത്തും. ഗ്രേ പട്ടികയിൽ ഉള്ളത് യാഥാർഥ്യമാണോ എന്ന് ഉറപ്പില്ലാത്ത ഐഎംഇഐ നമ്പറുകളാണ്.
വാട്സാപ്പ് മെസ്സേജ് ഡിലീറ്റ് ചെയ്‌തെന്ന് കരുതി ആശ്വസിക്കാൻ വരട്ടെ !
ആൻഡ്രോയിഡ് ഫോണുകളും ഐഫോണുകളും സൈലന്റ് മോഡിലായാൽ ഗൂഗിൾ അക്കൗണ്ട് വഴി ആ ഫോൺ റിങ് ചെയ്യിക്കാനും കളഞ്ഞുപോവുകയോ മോഷ്ടിക്കപ്പെടുകയോ ചെയ്താൽ ഗൂഗിൾ അക്കൗണ്ട് ഉപയോഗിച്ച് തന്നെ ജി-മെയിൽ ഡാറ്റ മായിച്ചു കളയാനും നിലവിൽ സംവിധാനങ്ങളുണ്ട്.
'ഫൈൻഡ് മൈ ഐഫോൺ', ' ഫൈൻഡ് മൈ മൊബൈൽ ', 'ഫൈൻഡ് മൈ ഡിവൈസ്', എന്നീ സംവിധാനമുള്ള ഫോണുകളിൽ അവ ഓൺ ചെയ്തിട്ടാൽ ഫോൺ എവിടെയുണ്ടെന്ന് കണ്ടുപിടിക്കാൻ സാധിക്കും