ജ്വല്ലറി ജീവനക്കാര്‍ സഞ്ചരിച്ച ബൈക്ക് തടഞ്ഞുനിര്‍ത്തിയാണ് സംഘം കൃത്യം നിര്‍വഹിച്ചതെന്നും സംഭവത്തില്‍ അന്വേഷണം ആരംഭിച്ചതായും പൊലീസ് പറഞ്ഞു. പിന്‍ സീറ്റിലിരുന്ന ജീവനക്കാരന്‍റെ കയ്യിലായിരുന്നു സ്വര്‍ണമടങ്ങുന്ന ബാഗ് ഉണ്ടായിരുന്നത്. ഇയാളെ ഭീഷണിപ്പെടുത്തി ബാഗ് തട്ടിയെടുക്കുകയും പിന്തുടരാതിരിക്കാന്‍ ബൈക്കിന്‍റെ ചാവി ഊരിയെടുക്കുകയും ചെയ്തിട്ടുണ്ട്. സംഭവം നടന്നയുടനെ ജീവനക്കാര്‍ പൊലീസില്‍ വിവരം അറിയിക്കുകയായിരുന്നു.