പാമ്പ് കടിയേറ്റ് സോഫ്റ്റ്‌വെയര്‍ എന്‍ജിനീയര്‍ മരിച്ചു. ബെംഗളൂരുവിലാണ് സംഭവം. ബന്നാര്‍ഘട്ടയിലെ രംഗനാഥ ലേഔട്ടിലെ മഞ്ജു പ്രകാശ് (41) ആണ് മരിച്ചത്.ചെരുപ്പിനുള്ളില്‍ പാമ്ബ് ചുരുണ്ടുകൂടി കിടന്നിരുന്നത് മഞ്ജു പ്രകാശിന്റെ കണ്ണില്‍ പെട്ടിരുന്നില്ല.
വെള്ളിയാഴ്ച വൈകിട്ട് മഞ്ജു ചെരുപ്പ് ധരിച്ച്‌ പുറത്തിറങ്ങുകയും പിന്നീട് വീട്ടിലേക്ക് മടങ്ങുകയും ചെയ്തു. തുടര്‍ന്ന് ഉറങ്ങാന്‍ കിടന്നു. ശനിയാഴ്ച രാവിലെ വീട്ടില്‍ എത്തിയ ഒരു സുഹൃത്ത് ചെരുപ്പിനുള്ളില്‍ പാമ്ബിനെ ചത്ത നിലയില്‍ കണ്ടെത്തി. ഉടന്‍ തന്നെ കുടുംബാംഗങ്ങളെ വിവരമറിയിച്ചു. മുറിക്കകത്ത് പോയി നോക്കിയപ്പോള്‍ മഞ്ജു പ്രകാശ് മരിച്ചു കിടക്കുന്നതാണ് കാണാനായത്.അണലിയാണ് കടിച്ച പാമ്പ്.