.

        

ദിവ്യ ഗർഭം ധരിപ്പിക്കാമെന്ന് പറഞ്ഞ് യുവതിയെ ബലാത്സംഗം ചെയ്ത വ്യാജസിദ്ധൻ അറസ്റ്റിൽ. മലപ്പുറം കാളികാവ് സ്വദേശി സജിൻ ഷറഫുദ്ദീനാണ് പിടിയിലായത്. തിരുവനന്തപുരത്തുനിന്നാണ് കൊളത്തൂർ പൊലീസ് ഇയാളെ അറസ്റ്റ് ചെയ്തത്.

ഒരു ആത്മീയ യൂട്യൂബ് ചാനൽ വഴിയാണ് സജിൻ ഷറഫുദ്ദീനെ യുവതി പരിചയപ്പെട്ടത്. ആഭിചാരക്രിയ വശമുണ്ടെന്ന് വിശ്വസിപ്പിച്ചാണ് സജിൻ ഷറഫുദ്ദീൻ യുവതിയുമായി ബന്ധം സ്ഥാപിച്ചത്. പിന്നീട് ക്വാർട്ടേഴ്സിലേക്ക് അതിക്രമിച്ച് കടന്ന് ബലാത്സംഗം ചെയ്യുകയായിരുന്നുവെന്നാണ് യുവതി നൽകിയ പരാതിയിൽ പറയുന്നത്.

ഇയാൾക്കെതിരെ സമാന കേസുകൾ വേറെയുമുണ്ടെന്നാണ് പൊലീസ് വ്യക്തമാക്കുന്നത്. നിരവധി സ്ത്രീകൾ ഇയാൾക്കെതിരെ പരാതിയുമായി രംഗത്തുവന്നതായാണ് വിവരം.