അബുദാബി: 2026പുതുവർഷത്തെ ആവേശപൂർവ്വം വരവേറ്റ് യുഎഇ.
ആകാശവിസ്മയങ്ങളും
ആഘോഷരാവിൽ
ലോകറെക്കോർഡുകളും നിറഞ്ഞ ദശലക്ഷക്കണക്കിന് ആളുകളാണ് രാജ്യത്തിന്റെ വിവിധ ഭാഗങ്ങളിൽ ഒത്തുചേർന്നത്. ലോകം ഉറ്റുനോക്കിയ ദുബായ് ബുർജ് ഖലീഫയിലെ വെടിക്കെട്ടും ലേസർ ഷോയും പതിവുപോലെ ഇത്തവണയും വിസ്മയമായി. ഇതിനുപുറമെ അബുദാബി, ഷാർജ, റാസൽഖൈമ തുടങ്ങിയ എമിറേറ്റുകളിലും വിപുലമായ പരിപാടികളാണ് അരങ്ങേറിയത്
ദുബായിൽ ആഘോഷങ്ങൾക്കായി എത്തിയവരുടെ എണ്ണം മുൻവർഷങ്ങളെ മറികടന്നു. ആർടിഎയുടെ കണക്കുകൾ പ്രകാരം 28 ലക്ഷത്തിലേറെ പേരാണ് പുതുവത്സര തലേന്ന് പൊതുഗതാഗത സംവിധാനങ്ങൾ ഉപയോഗിച്ചത്. മെട്രോ സ്റ്റേഷനുകളിലും ബസ് സർവീസുകളിലും അനുഭവപ്പെട്ട വൻ തിരക്ക് നിയന്ത്രിക്കാൻ കൃത്യമായ ആസൂത്രണം അധികൃതർ നടത്തിയിരുന്നു. റാസൽഖൈമയിൽ ഡ്രോണുകളും വെടിക്കെട്ടും സംയോജിപ്പിച്ചുകൊണ്ടുള്ള ദൃശ്യവിസ്മയം കാണാൻ ആയിരക്കണക്കിന് സഞ്ചാരികളാണ് കടൽതീരങ്ങളിൽ തടിച്ചുകൂടിയത്. സുരക്ഷാ മുൻകരുതലുകൾ കർശനമായി പാലിച്ചുകൊണ്ട് നടത്തിയ ആഘോഷങ്ങൾ യുഎഇയുടെ സംഘാടക മികവ് ഒരിക്കൽ കൂടി ലോകത്തിന് മുന്നിൽ തെളിയിച്ചു.