യൂറോപ്യന് കൗണ്സില് പ്രസിഡന്റ് അന്റോണിയോ കോസ്റ്റ, യൂറോപ്യന് കമ്മിഷന് പ്രസിഡന്റ്് ഉര്സുല ഫൊണ്ടെലെയ്ന് എന്നിവരാണ് റിപ്പബ്ലിക് ദിന ചടങ്ങിലെ വിശിഷ്ടാതിഥികള്. റിപ്പബ്ലിക് ദിനാഘോഷ പരേഡില് കേരളമുള്പ്പെടെയുള്ള വിവിധ സംസ്ഥാനങ്ങളുടെ കലാപ്രകടനങ്ങളുണ്ടാകും. 30 ടാബ്ലോകള് ഉണ്ടാകും.
രാവിലെ 10.30-ന് ആരംഭിക്കുന്ന ചടങ്ങുകള് 90-മിനിറ്റ് നീണ്ടുനില്ക്കും. കരസേനയുടെ ഡല്ഹി ഏരിയ ജനറല് ഓഫീസര് കമാന്ഡിങ് ലഫ്റ്റനന്റ് ജനറല് ഭവ്നീഷ് കുമാര് പരേഡിന് നേതൃത്വം നല്കും. ദേശീയഗീതമായ വന്ദേമാതരത്തിന്റെ 150-ാം വാര്ഷികം കണക്കിലെടുത്ത് ഇത്തവണത്തെ പരേഡിന്റെ മുഖ്യപ്രമേയം അതാണ്. 'വന്ദേമാതരം' ഗാനത്തിന്റെ വരികളെ ചിത്രീകരിക്കുന്ന അപൂര്വ ചിത്രങ്ങള് കര്ത്തവ്യ പഥില് പ്രദര്ശിപ്പിക്കും.