ഡബ്ലിൻ/വെർജീനിയ അയർലൻഡിലെ കാവനിൽ മലയാളി അന്തരിച്ചു. വിടപറഞ്ഞത് ചേർത്തല സ്വദേശി സജി സുരേന്ദ്രൻ (53) ആണ്. ഇന്ന് രാവിലെ ഹൃദയാഘാതത്തെ തുടർന്നായിരുന്നു മരണം. ആംബുലൻസും മെഡിക്കൽ സംഘവും എത്തിയെങ്കിലും മരണം സ്ഥിരീകരിച്ചിരുന്നു.
ആലപ്പുഴ ജില്ലയിലെ ചേർത്തല സ്വദേശിയായ സജി ചിറയിൽ സുരേന്ദ്രൻ നാട്ടിൽ അഭിഭാഷകനായിരുന്നു. 2008 ലാണ് അയർലൻഡിൽ എത്തുന്നത്. ഭാര്യ ശ്രീലത സാഫ് നഴ്സായി ജോലി ചെയ്യുകയാണ്. ഒരു മകളുണ്ട്. സംസ്കാരം പിന്നീട്.
