കുഴൂർ തുമ്പരശ്ശേരിയിൽ ഇറക്കുന്നതിനായി കോട്ടയത്തുനിന്ന് വൈക്കോലുമായെത്തുമ്പോഴാണ് തീപിടിച്ചത്. ഇറക്കേണ്ട സ്ഥലമെത്തുന്നതിനു തൊട്ടു മുൻപാണ് തീ ഡ്രൈവറുടെ ശ്രദ്ധയിൽപ്പെട്ടത്. ലോറിയിൽ ചുരുട്ടിവെച്ചിരുന്ന വൈക്കോലിൽ തീ പുകഞ്ഞുകൊണ്ടിരിക്കുമ്പോൾ ഡ്രൈവർ നിർത്താതെ ഓടിച്ചു പോയി. കണ്ടുനിന്നവർ വിളിച്ചുപറഞ്ഞെങ്കിലും നിർത്താൻ കൂട്ടാക്കിയില്ലെന്ന് ദൃക്സാക്ഷികൾ പറഞ്ഞു. കപ്പിത്താൻ എന്ന ലോറിയിലെ ഡ്രൈവർ ബിജുവാണ് സാഹസികമായി വാഹനം ഓടിച്ചത്.