പൂവച്ചൽ പഞ്ചായത്തിലെ മൂന്ന് വാർഡുകളിൽ ഭീതി പരത്തിയ തെരുവുനായ ആളുകളെ കൂടാതെ വളർത്തുമൃഗങ്ങളെയും ആക്രമിച്ചു. നിരവധി വളർത്തുനായകളെയും കോഴികളെയും നായ ആക്രമിച്ചിട്ടുണ്ട്. പേവിഷബാധയുടെ ലക്ഷണങ്ങൾ നായ കാണിച്ചിരുന്നതായി നാട്ടുകാർ പറയുന്നു. തുടർന്ന് വലിയ പരിഭ്രാന്തി സൃഷ്ടിച്ച നായയെ നാട്ടുകാർ ഒടുവിൽ അടിച്ചുകൊല്ലുകയായിരുന്നു. ആക്രമണത്തിൽ പരിക്കേറ്റ 12 പേർക്കും ചികിത്സ നൽകിവരുന്നുണ്ട്. പേവിഷബാധ സ്ഥിരീകരിക്കുന്നതിനായി ചത്ത നായയുടെ ജഡം വിദഗ്ധ പരിശോധനയ്ക്കായി മാറ്റിയിട്ടുണ്ട്.