അടൂരിൽ ബൈക്കുകൾ കൂട്ടിയിടിച്ച് രണ്ട് യുവാക്കൾ മരിച്ചു രണ്ടുപേർക്ക് പരുക്കേറ്റു ... ബൈക്ക് കത്തി നശിച്ചു

അടൂരിൽ ബൈക്കുകൾ കൂട്ടിയിടിച്ച് രണ്ട് യുവാക്കൾക്ക് ദാരുണാന്ത്യം. രണ്ടുപേർക്ക് പരുക്കേറ്റിട്ടുണ്ട്. കോന്നി സ്വദേശി മധു(42), തട്ട സ്വദേശി സതീഷ്കുമാർ(42) എന്നിവരാണ് മരിച്ചത്. പരിക്കേറ്റ മറ്റ് രണ്ട് പേർക്കും   ​ഗുരുതര പരുക്കേറ്റു . 

ഇന്നലെ രാത്രി ആയിരുന്നു അപകടം. ഇടിയുടെ ആഘാതത്തിൽ ഒരു ബൈക്ക് തീപിടിച്ച് പൂർണ്ണമായും കത്തിനശിച്ചു. അടൂരിൽ നിന്ന് ഫയർഫോഴ്സ് സംഘം എത്തിയാണ് തീ അണച്ചത്. ബൈക്കുകളിൽ ഒന്ന് അമിത വേഗതയിലായിരുന്നുവെന്നും ഇതാണ് അപകടത്തിന് കാരണമായതെന്നുമാണ് വിവരം.