ഹ്യൂസ്റ്റൺ: ഫിലാഡൽഫിയ കൽഹാരി റിസോർട്ടിൽ നടന്ന ഫൊക്കാന കൺവെൻഷനിൽ ശക്തമായ പങ്കാളിത്തം കാഴ്ചവെച്ചു ടെക്സാസ് റീജിയൻ. മുൻ ഫൊക്കാന പ്രസിഡണ്ട് ജി കെ പിള്ള, മുൻ റീജിയണൽ വൈസ് പ്രസിഡന്റുമാരായ രഞ്ജിത് പിള്ള, രജി കുര്യൻ, എറിക് മാത്യു, സന്തോഷ് ഐപ്പ് എന്നിവരുടെ നേതൃത്വത്തിൽ നാല്പതോളം പേരാണ് റീജിയണിലെ വിവിധ സംഘടനകളെ പ്രതിനിധാനം ചയ്തു ഫൊക്കാന കൺവെൻഷനിൽ പങ്കെടുത്തത്.
അവിടെ നടന്ന വാശിയേറിയ തിരഞ്ഞെടുപ്പിൽ ആർ വി പി ആയി റജി കുര്യൻ വൻ ഭൂരിപക്ഷത്തോടെ തിരഞ്ഞെടുത്തപ്പോൾ ഓഡിറ്റർ സ്ഥാനാർഥിയായി നോമിനേഷൻ നൽകിയ ജോൺ ജേക്കബ് എതിരില്ലാതെ തിരഞ്ഞെടുക്കപ്പെട്ടു. തന്റെ തൊട്ടടുത്ത സ്ഥാനാർഥിയെക്കാൾ 22 വോട്ടുകളുടെ ഭൂരിപക്ഷത്തിലാണ് റീജിയണൽ വൈസ് പ്രസിഡന്റായി റജി കുര്യൻ തെരഞ്ഞെടുക്കപ്പെട്ടത്.
പ്രസിഡണ്ട് ഫിലിപ്പോസ് ഫിലിപ്പിന്റെ പ്രവർത്തനങ്ങളിലും വരും ഫൊക്കാന കൺവെൻഷനുകളിലും ടെക്സാസ് റീജിയൻ ശക്തമായി നിലകൊള്ളുമെന്നു റെജി കുര്യനും ജോൺ ജേക്കബും പ്രസ്താവിച്ചു. തങ്ങളെ വിജയിപ്പിച്ച പ്രവർത്തകർക്ക് നന്ദിയും അവർ രേഖപ്പെടുത്തി.