സംഭവത്തിൽ പ്രതിയായ ആർത്താറ്റ് അയ്യൻകുളങ്ങര വീട്ടിൽ ബെൻ (31) നുവേണ്ടിയാണ് കുന്നംകുളം പൊലീസ് ലുക്കൗട്ട് നോട്ടീസ് പുറപ്പെടുവിച്ചത്. ഇയാൾ രാജ്യം വിടുന്നത് തടയുന്നതിനായി വിമാനത്താവളങ്ങളിലേക്കും പൊലീസ് വിവരം കൈമാറിയിട്ടുണ്ട്.
ചാട്ടുകുളം-ചെമ്മണ്ണൂർ റോഡിലുള്ള ബെൻ്റെ വീട്ടിൽ പൊലീസ് പരിശോധന നടത്തി. വീടിന് പരിസരത്തും പൊലീസ് നിരീക്ഷണം ശക്തമാക്കിയിട്ടുണ്ട്. പ്രതിയെ കണ്ടെത്താനുള്ള നടപടികൾ ഊർജിതമാക്കിയതായി പൊലീസ് അറിയിച്ചു.
ശനിയാഴ്ച രാത്രി 12 മണിയോടെയായിരുന്നു നാടിനെ നടുക്കിയ അപകടം.