ശക്തമായ മഴയിലും കാറ്റിലും കോട്ടയത്ത് നാശനഷ്ടം

കോട്ടയത്ത് ഉണ്ടായ ശക്തമായ കാറ്റിൽ കുടമാളൂരിന് സമീപം കുടയംപടിയിൽ മരങ്ങൾ കടപുഴകി. വൈദ്യുതി പോസ്റ്റുകൾ റോഡിലേക്ക് മറിഞ്ഞു.

ഗതാഗത തിരക്കേറിയ മെഡിക്കൽ കോളേജ് പാതയിലാണ് സംഭവം.

ഈ സമയം വാഹനങ്ങൾക്ക് മുകളിലേക്ക് പോസ്റ്റ് പതിക്കാതെ വലിയ അപകടം ഒഴിവായെങ്കിലും, പാതയോരത്ത് നിർത്തിയിട്ടിരുന്ന രണ്ട് വാഹനങ്ങൾക്ക് മുകളിലേക്ക് മരങ്ങളുടെ ശിഖരങ്ങൾ വീണു.

ഫയർഫോഴ്സ് സ്ഥലത്തെത്തി ഗതാഗതം പുനസ്ഥാപിക്കുവാൻ നടപടികൾ സ്വീകരിച്ചു.