ബൈക്ക് വൈദ്യുതി പോസ്റ്റിലിടിച്ച് യുവാക്കൾ മരിച്ചു

 

 തളിപ്പറമ്പ്: ബൈക്ക് നിയന്ത്രണംവിട്ട് വൈദ്യുതിത്തൂണിലിടിച്ച് രണ്ടു യുവാക്കൾ മരിച്ചു. ബൈക്ക് യാത്രികരായ കോൾമൊട്ടയിലെ ഹിഷാം (18), ജിയാദ് (19) എന്നിവരാണ് മരിച്ചത്. ഇന്നലെ (ചൊവ്വാഴ്ച) വൈകീട്ട്  കോൾമൊട്ടയിൽ ബാവുപ്പറമ്പ് റോഡിലായിരുന്നു അപകടം.

ബംഗളൂരുവിൽ ഐ.ടി വിദ്യാർഥിയാണ് ജിയാദ്.ഹിഷാം കോൾമൊട്ടയിൽ സ്​റ്റീൽ കമ്പനിക്ക് സമീപം കോഴിക്കട നടത്തിവരികയാണ്.

സൗദി അറേബ്യയിൽ ജോലിചെയ്യുന്ന ജബാറിൻെറയും റഷീദയുടേയും മകനാണ് ജിയാദ്. സഹോദരങ്ങൾ: ജദീർ (മെഡിക്കൽ വിദ്യാർഥി), ജാസിം, റിസ്​വാൻ (ഇരുവരും വിദ്യാർഥികൾ), ജാസിയ.അബുദാബിയിൽ ജോലിചെയ്യുന്ന ഹസൻെറയും ഷഹനാസിൻെറയും മകനാണ് ഹിഷാം.സഹോദരങ്ങൾ: ഷഹ്മ, ഹാനിയ.