കൊല്ലം: സ്ത്രീധന പീഡനത്തിന് ഇരയായി മരിച്ച വിസ്മയയുടെ വീട് ഗവര്ണര് ആരിഫ് മുഹമ്മദ് ഖാന് ഇന്ന് സന്ദര്ശിക്കും. വിസ്മയയുടെ നിലമേലിലെ വീട്ടില് അദ്ദേഹം രാവിലെ 11ന് എത്തുമെന്നാണ് അറിയിച്ചിട്ടുള്ളത്.
ഇന്നലെ സുരേഷ് ഗോപി എം പി വിസ്മയയുടെ വീട് സന്ദർശിച്ചിരുന്നു. സ്ത്രീധന പീഡനങ്ങള് ഒഴിവാക്കാനായി പഞ്ചായത്തുകളില് ഗ്രാമസഭകള് രൂപീകരിക്കുമെന്നും വിഷയം പ്രധാനമന്ത്രിയെ അടക്കം നേരില് കണ്ട് ബോധ്യപ്പെടുത്താന് ശ്രമിക്കുമെന്നും സുരേഷ് ഗോപി എംപി പറഞ്ഞു. സാമൂഹ്യനീതി വകുപ്പ് നടപടികള്ക്ക് മുന്കൈയെടുക്കണമെന്നും എല്ലാം പോലീസുകാര്ക്ക് വിട്ടുകൊടുക്കേണ്ട കാര്യമില്ലെന്നും അദ്ദേഹം പറഞ്ഞു.