തൃശ്ശൂര്: പാലക്കാട് ആര്എസ്എസ് മുന് ശാരീരിക് ശിക്ഷണ് പ്രമുഖ് ശ്രീനിവാസന്റെ വധത്തില് പ്രതിഷേധിച്ചുള്ള ബിജെപി പ്രകടനത്തിലേക്ക് കാര് പാഞ്ഞുകയറി.
തൃശൂര് പൂച്ചെട്ടി സെന്ററിലാണ് സംഭവം നടന്നത്. ആറ് ബിജെപി പ്രവര്ത്തകര്ക്ക് പരിക്കേറ്റു. കാര് ഡ്രൈവര് സാബുവിനെ പൊലീസ് കസ്റ്റഡിയിലെടുത്തു.
ഇയാള് മദ്യപിച്ച് ലക്കുകെട്ട നിലയിലായിരുന്നുവെന്നാണ് പ്രാഥമിക വിവരം.
അതേസമയം പാലക്കാട് ശ്രീനിവാസന് കൊലപാതകത്തില് പൊലീസിനെതിരെ ഗുരുതര ആരോപണവുമായി ബി ജെ പി രംഗത്തെത്തി. കേസില് സിബിഐ അന്വേഷണം വേണമെന്ന് സംസ്ഥാന ജനറല് സെക്രട്ടറി സി കൃഷ്ണകുമാര് ആവശ്യപ്പെട്ടു. കൊലപാതകത്തിന് പൊലീസ് സഹായം ചെയ്തുവെന്നും, കൊലപാതകത്തിന് പിന്നില് ഉന്നത തല ഗൂഢാലോചനയും വിദേശ സഹായവുമുണ്ടെന്നും അദ്ദേഹം ആരോപിച്ചു.