26-ന് രാവിലെയാണ് സംഭവം. ക്ഷേത്രത്തില്നിന്നു വീട്ടിലേക്കു നടന്നുപോകുകയായിരുന്ന വയോധികയെ നടക്കേണ്ടെന്നും വീട്ടിലാക്കാമെന്നും പറഞ്ഞ് നയത്തില് കാറില് കയറ്റുകയായിരുന്നു. തുടര്ന്ന് വീട്ടില് കൊണ്ടുപോകാതെ വിജനമായ സ്ഥലങ്ങളില് കാര് നിര്ത്തി പീഡനത്തിനിരയാക്കി. രാത്രിയോടെ വീടിനു സമീപമുള്ള റോഡില് ഇറക്കിവിട്ടശേഷം കടന്നു.
രാത്രിയില് വയോധിക വാര്ഡംഗത്തെയും തുടര്ന്ന് പോലീസിലും അറിയിച്ചു. ആറ്റിങ്ങല് ഡിവൈ.എസ്.പി. ജി.ബിനുവിന്റെ നേതൃത്വത്തില് കിളിമാനൂര് എസ്.എച്ച്.ഒ. എസ്.സനോജ്, എസ്.ഐ. വിജിത്ത് കെ.നായര്, സി.പി.ഒ. അരുണ്, മഹേഷ്, സുനില്കുമാര്, ഡബ്ല്യു.സി.പി.ഒ. രേഖ എന്നിവരുള്പ്പെട്ട പോലീസ് സംഘം പലസ്ഥലങ്ങളിലായി നിരീക്ഷണ ക്യാമറാ ദൃശ്യങ്ങളടക്കം പരിശോധിച്ചുനടത്തിയ അന്വേഷണത്തിലാണ് പ്രതിയെ പിടികൂടിയത്.