പത്തനംതിട്ട: കടന്നലിന്റെ കുത്തേറ്റ് പുല്ല് വെട്ട് തൊഴിലാളി മരണമടഞ്ഞു. പത്തനംതിട്ട അന്ത്യാളൻക്കാവ് ആറൊന്നിൽ ജോസഫ് മാത്യൂ(രാജു-60) അന്തരിച്ചു. സ്വകാര്യ വ്യക്തിയുടെ പുരയിടത്തിൽ മെഷീൻ ഉപയോഗിച്ച് കാട് വെട്ടുന്നതിനിടയിൽ കല്ല് തെറിച്ച് കടന്നൽ ഇളകുകയായിരുന്നു. കഴിഞ്ഞ വ്യാഴാഴ്ചയായിരുന്നു സംഭവം. അറുപതോളം കുത്തുകൾ ശരീരത്ത്‌ ഏറ്റിട്ടുണ്ട്. മഞ്ഞ കടന്നലൽ ആണ് ആക്രമിച്ചത്. ഓടി രക്ഷപെടാനുള്ള ശ്രമവും കടന്നൽ അനുവദിച്ചില്ല. ആദ്യം പത്തനംതിട്ട ജില്ല ആശുപത്രിയിലെത്തിച്ചെങ്കിലും ആരോഗ്യ നില ഗുരുതരമായതിനെ തുടർന്ന് തിരുവല്ല പുഷ്പഗിരി മെഡിക്കൽ കോളജ് ആശുപത്രിയിലെത്തിക്കുകയായിരുന്നു. ചൊവ്വാഴ്ച രാവിലെ മരണം സംഭവിക്കുകയായിരുന്നു. പോസ്റ്റ്മോർട്ടം നടപടികൾ പുരോഗിക്കുന്നു. സംസ്ക്കാരം വ്യാഴാഴ്ച (ഒക്ടോബർ 6ന് ) 11ന് കാട്ടൂർ സെൻ്റ് ആൽബർട്ട്സ് പള്ളി സെമിത്തേരിയിൽ നടക്കും. ഭാര്യ : വടശ്ശേരിക്കര പേഴുംപാറ കാലാക്കൽ കുടുംബാംഗം അന്നമ്മ ജോസഫ്. മക്കൾ: അജിൻ (പ്ലസ് വൺ വിദ്യാർത്ഥി - കടമനിട്ട- ഗവ.ഹൈസ്ക്കൂൾ), ഏഞ്ചൽ (ഏഴാം ക്ലാസ് വിദ്യാർത്ഥിനി - എസ്.എച്ച്.എച്ച്. എസ്.എസ്. മൈലപ്ര ).