ആലപ്പുഴ: നാലുചിറ പാലം നടപ്പാക്കിയത് തന്റെ കാലത്താണെന്നും 500 പാലങ്ങൾ ആയിരുന്നു സർക്കാർ ലക്ഷ്യമെന്നും മുതിർന്ന സിപിഎം നേതാവ് ജി സുധാകരൻ. താൻ പങ്കെടുക്കുമോ എന്നത് പ്രസക്തമല്ല. മുഖ്യമന്ത്രിയാണ് ഉദ്ഘാടനം ചെയ്യുന്നത്. ബാക്കി കാര്യങ്ങൾ അറിയില്ലെന്നും ജി സുധാകരൻ പറഞ്ഞു. വർഷങ്ങൾക്കുശേഷമാണ് സർക്കാർ പരിപാടിയിൽ ജി സുധാകരൻറെ പേരും ചിത്രവും ഉൾപ്പെടുത്തുന്നത്. പൊതുമരാമത്ത് വകുപ്പ് നിർമിച്ച അമ്പലപ്പുഴ നാലുചിറ പാലം ഉദ്ഘാടനത്തിനായുള്ള പ്രോഗ്രാം നോട്ടീസിലാണ് ജി സുധാകരൻറെ പേരും ചിത്രവും ഉൾപ്പെടുത്തിയിരിക്കുന്നത്. ഈ മാസം 27ന് മുഖ്യമന്ത്രി പിണറായി വിജയനാണ് നാലുചിറ പാലം ഉദ്ഘാടനം ചെയ്യുന്നത്.