'കുഞ്ഞിനെ എടുത്ത് ഒരമ്മ സിപ്പ് ലൈനിൽ കയറാൻ നിൽക്കുന്നു, പെട്ടെന്ന്..., വയനാട്ടിലെ സിപ്പ് ലൈൻ അപകടമെന്ന പേരിലുള്ള എഐ വീഡിയോ നിർമിച്ചയാൾ പിടിയിൽ
തിങ്കളാഴ്ച വൈകീട്ടോടെ ഇൻസ്പെക്ടർ എസ്എച്ച്ഒ ഷജു ജോസഫിന്റെ നേതൃത്വത്തിലുള്ള പൊലീസ് സംഘം ആലപ്പുഴ തിരുവമ്പാടി, തൈവേലിക്കം വീട്ടിൽ കെ അഷ്കറിനെയാണ് (29) അറസ്റ്റ് ചെയ്തത്.ഒരു യുവതിയും കുട്ടിയും സിപ്ലൈനില്‍ കയറുന്നതും അവര്‍ അപകടത്തില്‍പ്പെടുന്നതുമായ ദൃശ്യങ്ങളാണ് എ.ഐ പ്രോംറ്റ് ഉപയോഗിച്ച് ഇയാള്‍ കൃത്രിമമായി നിര്‍മിച്ചിരുന്നത്. ഭീതി പടര്‍ത്തുന്ന തരത്തിലുള്ള ഈ വീഡിയോ വയനാട്ടില്‍ സംഭവിച്ചത് എന്ന തരത്തില്‍ സാമൂഹിക മാധ്യമങ്ങള്‍ വഴി വ്യാപകമായി പ്രചരിപ്പിക്കുകയായിരുന്നു. വയനാട്ടിലെ ടൂറിസം മേഖലയെ ദോഷകരമായി ബാധിക്കുന്ന തരത്തിലുള്ള വീഡിയോ ഇയാളുടെ 'അഷ്‌ക്കറലി റിയാക്ടസ്' എന്ന അക്കൗണ്ടിലൂടെ പ്രചരിപ്പിക്കുകയായിരുന്നു.