നടി സാമന്തയും സംവിധായകന് രാജ് നിദിമോരുവും വിവാഹിതരായി. ഇന്ന് രാവിലെ കോയമ്പത്തൂരില് വച്ചായിരുന്നു വിവാഹം. ഏറ്റവും അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങില് പങ്കെടുത്തത്. കോയമ്പത്തൂര് ഇഷ യോഗ സെന്ററിലെ ലിംഗ ഭൈരവി ക്ഷേത്രത്തില് വച്ച് നടന്ന വിവാഹത്തില് 30 പേര് മാത്രമാണ് പങ്കെടുത്തതെന്നാണ് റിപ്പോര്ട്ട്. അനൗദ്യോഗിക റിപ്പോര്ട്ടുകള് പുറത്തുവന്നതിന് പിന്നാലെ സാമന്ത വിവാഹവേദിയില് നിന്നുള്ള ചിത്രങ്ങള് ഇന്സ്റ്റഗ്രാമിലൂടെ പങ്കുവച്ചിട്ടുണ്ട്.