ഒളിച്ച് താമസിക്കുവാനെത്തിയ ഗുണ്ടാസംഘം പോലീസ് പിടിയിൽ.തിരുവനന്തപുരം ജില്ലയിൽ നിരവധി കേസു കളിൽ പ്രതികളായ കുപ്രസിദ്ധ ഗുണ്ടകൾ ആലപ്പുഴയിൽ ഒളിച്ചു താമസിക്കുവാൻ എത്തിയപ്പോൾ ആലപ്പുഴ സൗത്ത്പോലിസ് സ്റ്റേഷൻ ഐ.എസ്.എച്ച്.ഒ കെ. ശ്രീജിത്ത് ൻ്റെ നേതൃത്വത്തിലുള്ള പോലീസ് സംഘം അതിസാഹസികമായി അവരെ പിടികൂടുക യായിരുന്നു. 24 ന് രാവിലെ 11- 30 മണിയോടെയാണ് ഗുണ്ടകളെ സൗത്ത് പോലീസ് നഗരത്തിൽ നിന്നും പിടികൂടിയത്.
തിരുവനന്തപുരം ജില്ലയിലെ വിവിധ പോലീസ് സ്റ്റേഷനുകളിൽ നിരവധി കേസുകളിൽ പ്രതികളായ തിരുവനന്തപുരം നെയ്യാറ്റിൻകര കാർത്തിക നിവാസിൽ കാർത്തിക്, തിരുവനന്തപുരം കാട്ടാക്കട ഇർഫാൻ മൻസിൽ അൽ അമീൻ , തിരുവനന്തപുരം ഇളവട്ടത്ത് നന്ദിയോട് പഞ്ചായത്ത് 13-ാംവാർഡിൽ എം.കെ.പി ഹൗസിൽ ഷിമ്മിസ് ഖാൻ , തിരുവനന്തപുരം വിളപ്പിൽ പഞ്ചായത്ത് 4-ാം വാർഡിൽ എം.എ മൻസിലിൽ അൻസിൽ, തിരുവനന്തപുരം പേയാട് വിളപ്പിൽ ഷെരീഫ് മൻസിലിൽ ഷംനാദ് , തിരുവനന്തപുരം പേയാട് വിളപ്പിൽ അംബിക മൻസിലിൽ അർഷാദ് , തിരുവനന്തപുരം കുറുമ്പ യിൽ കൊച്ചുകടയിൽ വീട്ടിൽ ആസിഫ്, തിരുവനന്തപുരം പേയാട് വിളപ്പിൽ തൊണ്ട് വിള വീട്ടിൽ മുഹമ്മദ് റാഫി എന്നിവരെയാണ് ആലപ്പുഴ സൗത്ത് പോലീസ് അറസ്റ്റ് ചെയ്തത്. ഇതിൽ കാർത്തിക്ക്, അർഷാദ്, ആസിഫ് എന്നിവർ കഴിഞ്ഞദിവസം തിരുവനന്തപുരം കഴക്കൂട്ടം പോലീസ് സ്റ്റേഷൻ അതിർത്തിയിൽ കവർച്ച നടത്തിയ ശേഷം അവിടെ നിന്നും മുങ്ങുകയായിരുന്നു. അതിന് കഴക്കൂട്ടം പോലീസ് കേസ്സ് രജിസ്റ്റർ ചെയ്തിട്ടുണ്ട്.
പ്രതികൾ ആലപ്പുഴ നഗരത്തിൽ രാവിലെ എത്തിയതായി കിട്ടിയ വിവരത്തിന്റെ അടിസ്ഥാനത്തിലായിരുന്നു പ്രതികൾ താമസിച്ചിരുന്ന ലോഡ്ജ് പോലീസ് വളഞ്ഞതും റെയ്ഡ് ചെയ്ത് പ്രതികളെ പിടികൂടിയതും . സൗത്ത് പോലീസിൻറെ ചോദ്യം ചെയ്യലിനു ശേഷം പ്രതികളെ തിരുവനന്തപുരം ജില്ലാ പോലീസിന് കൈമാറി. പ്രതികളെ പിടികൂടിയ പോലീസ് സംഘത്തിൽ സൗത്ത് പോലീസ് സ്റ്റേഷൻ ഐ.എസ്.എച്ച്.ഒ കെ. ശ്രീജിത്ത് നോടൊപ്പം എസ്.ഐ മാരായ ജയേന്ദ്രമേനോൻ മോഹൻകുമാർ എ.എസ്.ഐറിച്ചാർഡ് ജെയിംസ് എസ്.സി.പി.ഒ മാരായ എൻ.എസ്. മാർട്ടിൻ ,എസ്. ജിനാസ് , ലിബു തോമസ് , അജയരാജ്, വനിതാ പോലീസ് ഓഫീസർ അനു ആനന്ദ് എന്നിവരും ഉണ്ടായിരുന്നു.