ഇന്ന് രാവിലെയോടെ പ്രധാനമന്ത്രി നരേന്ദ്രമോദി തിരുവനന്തപുരത്തെത്തും. തിരുവനന്തപുരം നഗരത്തിന്റെ വികസന രേഖ ഇന്ന് പ്രഖ്യാപിക്കുമെന്നായിരുന്നു വിവരങ്ങൾ. എന്നാൽ, കോർപ്പറേഷൻ വികസനരേഖ പ്രഖ്യാപനം ഇന്നുണ്ടാകില്ലെന്ന് മേയർ അറിയിച്ചു. സംസ്ഥാന സർക്കാരുമായി ഇതുസംബന്ധിച്ച് കൂടുതൽ ചർച്ചകൾ നടത്തും. കൂടാതെ, കേന്ദ്രമന്ത്രിമാരുമായി ദില്ലിയിലും ചർച്ച നടത്തും. വിശദ വികസന രേഖ പ്രധാനമന്ത്രിക്ക് അടുത്ത മാസത്തോടെയായിരിക്കും സമർപ്പിക്കുകയെന്നും വി വി രാജേഷ് മാധ്യമങ്ങളോട് പറഞ്ഞു. ഇന്ന് മോദിയുടെ പ്രസംഗത്തിൽ നഗരവികസന പരാമർശങ്ങൾക്ക് മാത്രമാണ് സാധ്യത.
പ്രധാനമന്ത്രി നരേന്ദ്രമോദിയെ സ്വീകരിക്കാൻ വിമാനത്താവളത്തിൽ എത്തില്ലെന്നും മേയർ അറിയിച്ചു. പുത്തരിക്കണ്ടത്ത് വെച്ചായിരിക്കും മോദിയെ സ്വീകരിക്കുക. രണ്ട് വേദികളിലും എത്തേണ്ടത് കൊണ്ടെന്നാണെന്ന് വിശദീകരണം.