മനുഷ്യനെ സംബന്ധിച്ച് വളരെ പ്രധാനമാണ് അവന്റെ കിടപ്പുമുറി (bed room). കിടക്കുന്ന ദിശ (direction) ശരിയായില്ലെങ്കില് ഉറക്കം മാത്രമല്ല, ആരോഗ്യവും (health) സമ്പത്തും (wealth) നഷ്ടമാകുമെന്ന് പൂര്വ്വികര് പറഞ്ഞു വയ്ക്കുന്നു. വീട്ടില് പ്രത്യേകമായ മുറിയായാലും പ്രത്യേക ഭാഗമായാലും കിടപ്പ് ശരിയായ രീതിയിലാകേണ്ടത് അത്യാവശ്യമാണ്. പകല് ചെയ്യുന്ന കാര്യങ്ങള്ക്കുളള ഊര്ജം സംഭരിക്കാന് സാധിക്കുന്നത് രാത്രി ലഭിക്കുന്ന നല്ല ഉറക്കത്തിലൂടെയാണ്. രാത്രി ഉറക്കം കൃത്യമായില്ലെങ്കില് അത് പകലുളള കാര്യങ്ങളെയും ദോഷമായി ബാധിക്കും. ഏത് ദിക്കിലേക്ക് തല വച്ചു കിടക്കുന്നു എന്നത് ആരോഗ്യത്തിനും സാമ്പത്തിക ഉന്നതിക്കും കാരണമായി പറയപ്പെടുന്നുണ്ട്.
ഒരു ദിവസം മുഴുവന് ജോലിചെയ്ത ക്ഷീണം സുഖകരമായ ഒരു ഉറക്കത്തിലൂടെ പരിഹരിക്കാന് സാധിക്കും. കിടപ്പിന്റെ ദിശ ശരിയല്ല എങ്കില് ഉറക്കം മാത്രമല്ല ആരോഗ്യം കൂടി തകരാറിലാവാനും സാധ്യതയുണ്ട്.
ഭാരതീയ ശാസ്ത്ര വിധി പ്രകാരം കിഴക്കോട്ടും തെക്കോട്ടും തലവച്ച് ഉറങ്ങുന്നതാണ് ഉത്തമെമെന്ന് പറയുന്നു. ഈ ദിക്കുകള്ക്ക് എന്താണ് ഇത്ര സവിശേഷതയെന്നും നാം ചിന്തിച്ചേക്കാം.
കിഴക്ക് ദിക്ക് ദേവന്മാരുടെയും തെക്ക് ദിക്ക് പിതൃക്കളുടേതുമാണ് എന്നാണ് വിശ്വാസം. പടിഞ്ഞാറ് ഋഷിമാരുടെ സ്ഥാനമാണ്. എന്നാല്, വടക്ക് ദിക്ക് പ്രത്യേകിച്ച് ആരുടെയെങ്കിലും സ്ഥാനമായി കരുതുന്നില്ല.
അതായത് കിഴക്ക് ദിക്കിലേക്ക് തലവച്ച് കിടന്നാല് ദേവ പ്രസാദവും തെക്ക് ദിക്കിലേക്കാണെങ്കില് പിതൃ കടാക്ഷവും ഉണ്ടാവുമെന്ന് സങ്കല്പ്പം. ഈ ഭാഗങ്ങളിലേക്ക് കാല് വച്ച് കിടക്കുകയുമരുത് എന്ന് ശാസ്ത്രം നിഷ്കര്ഷിക്കുന്നു.
പ്രപഞ്ചത്തിലെ സകല വസ്തുക്കളും പ്രദക്ഷിണ ദിശയെ ശരിവയ്ക്കുന്നു. ഭൂമിയുടെ പരിക്രമണവും പടിഞ്ഞാറുനിന്ന് കിഴക്കോട്ടാണ്. ഈ നിലയില് ചിന്തിച്ചാലും കിഴക്ക് അല്ലെങ്കില് തെക്ക് ദിക്കില് തല വച്ച് കിടക്കുന്നത് ഉത്തമമാണ്. ഇതിന് വിപരീതമായാണ് കിടക്കുന്നത് എങ്കില് ശരീരത്തിന്റെ സതുലിതാവസ്ഥയ്ക്ക് കോട്ടം വരും.
വടക്ക് ദിക്ക് ഭൂമിയുടെ കാന്തിക ക്ഷേത്രത്തിന്റെ ഉത്തര ധ്രുവവും തെക്ക് ദക്ഷിണ ധ്രുവവുമാണ്. വടക്ക് ദിശയിലേക്ക് തല വയ്ക്കുമ്പോള് കാന്തിക തരംഗങ്ങള് തലയില് നിന്ന് കാലിലേക്കാവും പ്രവഹിക്കുക. ഇത് ശാരീക സന്തുലനത്തെ തകിടം മറിക്കുന്നു.
മാനസികവും ശാരീരികവുമായ സൌഖ്യത്തിന് കിടപ്പിന്റെ കാര്യത്തിലും ശ്രദ്ധ പതിപ്പിക്കേണ്ടിയിരിക്കുന്നു. ശരിയായ ഉറക്കത്തിന് എപ്പോഴും കിഴക്കോട്ട് അല്ലെങ്കില് തെക്കോട്ട് തലവച്ച് കിടക്കുക.